بقالات جزائرية "أعقد وأنوي"

[نوفة]

هاي الموضوع كتير بسيط يا فال يا فلفال تختار رقم من 1الى 10 وبعدين تروح تقرا فالك أظن بانكم فهمتو اللعبة يلا نبدا
البوقالة رقم 1 :
حليت باب الجنان لقيت الملاح رقود تنهدت الدالية و تحرك العنقود قال القمر فالسماء نكشف على السحاب يذوب خلي الحبيب لحبيبو و اللي في قلبو حاجة الله يبلغ المقصود .
البوقالة 2 :
نزلت لقاع البحر خرجت لي جنية قالت لي وشبيك يا لالا مهمومة تكلمي افتحي قلبك ليا قلت لها يا مولاتي هذاك حبيبي أداوه عليا قلبي معاه و قلبو معاها هيا .
البوقالة 3 :
يا لي جايا من العين و بيدك مليتي السلة سبحان من أعطاك أزين و زاد في بهاك ذيك الحلة .
البوقالة 4 :
النور يا النور و النور عينيا طبطبوا على الباب و جابو لي اللي عزيز عليا راني نتمنى من ربي يجي يطلب يدي من ماليا .
البوقالة 5 :
جاز عليا شباب في يده منديل ازرق و ششيته معنقرة و لبسته تبرق عليه نسمح في الولد و عليه نطلق وعليه نخلي البلاد ونردها خندق .
البوقالة 6 :
الشمعة يا لشمعة يا لشمعة الضواية لو كان نعرف وشبيك نمسح هذيك الدمعة من خديك و نرد وجهك مرايا يا ربي يا معبود اقبل دعاية يا رجع لي زهو الزمان ويعيا الحبيب قاعد معايا .
البوقالة 7 :
اطلعت للسطح و فرشت زربية حرقت حر قوس الذهب و حرقست عينيا أفرحي يا يما سعدي ولا ليا نستشفي فالعدو كما استشفى فيا .
البوقالة 8 :
لو كان السعود ينغرسو نغرس ميات عود و عود في طية وحدي لكن السعود في يدك يا معبود يا سقام السعود سقم لي سعدي الناس الكل بحبيبهم وأنا غريب في هذا الدنيا وحدي .
البوقالة 9 :
فاطمة يا فطوم وين ما تكوني نرسلك مرسول إذا سكنتي البحر نرسلك عوامة وإذا سكنتي السماء نرسلك حمامة و إذا سكنتي القبر يحاسبك مولانا .
البوقالة 10 :
علاش يا لالا التخمام رحمة الله واسعة و كبيرة لو كان جات بالكلام نتحدثو و نعطوك تدبيرة بصح كل شي بالمكتوب ويعيا و الخير يبان و تزول عليك الهموم و تروح الحيرة .
cc 1212
بااااااااااااااااااااي بتمنى تعجبكم البوقالات والى اللقاء الى بوقالات أخرى .

[بنت الحجيرة]

مشكووووووووووووووووووووووووووووووووووووووووووووووو وورة
رووووووووووووووووووووووووووووووووووووووووووووووووو ووووعة

[CHAHIRA92]

لك جزيل الشكر

[سناء]

مشكورة اختي

على البوقالات الرائعة

لك مني اطيب تحية

[simssem85]

شكرا لك بوقالات جميلة جدا ونتمنى المزيد وبارك الله فيك

[النايليرو]

تسلمي أخت نوفة

بقولات روعة

ننتظر جديدك


------
لكي من أجمل تحية

[رحاب 9]

شكرا يا اختي على البوقالات

تعبناك معانا

[بهاز فاطيمة]

الف شكر على البوقالات جاو في وقتهم

[اميرة سطيف]

السلام عليكم اخوتي اخواتي اعضاء هدا المنتدى المتالق قبل كل شيء اقولكم ** صح فطورررركم **
جميعا اللهم تقبل صيامنا و قيامنا اللهم اجعله صياما مقبولا و ذنبا مغفورا امين انا اميرة عضوة جديدة اتمنى ان اكون خفيفة الظل عليكم و اتمنى ان تقبلوني كصديقة بينكم يا رب و شكرا ليكم

[ahlem.2010]

اولا اهلا وسهلا بيك اختى نوفة
مشكورة غاليتى على البوقلات
نتمن لكى حسن الاقامة مع عائلتك الثانية